இந்தியா நியூசிலாந்து அணிகள் மோதும் முதல் டி20 போட்டி ஆக்லாந்தில் இன்று நடைபெறுகிறது.
நியூசிலாந்தில் சுற்றுப்பயணம் மேற்கொண்டுள்ள இந்திய அணி 5 டி20, மூன்று ஒருநாள் மற்றும் 2 டெஸ்ட் போட்டிகள் கொண்ட தொடரில் விளையாடுகிறது.
இதில் முதலாவது டி20 போட்டி ஆக்லாந்தில் இன்று நடைபெறுகிறது. இந்திய அணி கடைசியாக விளையாடிய 5 டி20 தொடர்களில் 4 தொடர்களில் வென்றுள்ளது.
இதனால் அந்த அணி சமபலத்துடன் திகழ்வதால் நியூஸிலாந்து இந்தியாவை சமாளிக்க போராடும் என எதிர்பார்க்கப்படுகிறது.
மேலும் கடந்த ஆண்டு நடைபெற்ற உலகக்கோப்பை போட்டியில் நியூஸிலாந்து அணி இந்தியாவை வீழ்த்தி இறுதி போட்டிக்கு முன்னேறியது.
அந்த தோல்விக்கு பழி தீர்க்கும் வகையில் தொடரை வெல்ல இந்தியா களம் இறங்கும் என்பதால் போட்டி விறுவிறுப்பாக இருக்கும்.
இந்திய நேரப்படி நண்பகல் 12.20 மணிக்கு தொடங்கும் இந்த போட்டியில் விளையாடும் வீரர்கள் தீவிர பயிற்சியில் ஈடுபட்டு வருகின்றனர்.