4ஜி டேட்டாவை பயன்படுத்தி பதிவிறக்கம் செய்வதில் ரிலையன்ஸ் நிறுவனத்தின் ஜியோ தான் முதலிடம் வகிப்பதாக டிராய் தெரிவித்துள்ளது.
தொலைத்தொடர்பு சந்தையில் முன்னணி நிறுவனமாக திகழும் ஜியோ நிறுவனம் கடந்த 2016 ஆம் ஆண்டு இலவச டேட்டா,கால் சேவை, குறைந்த விலையில் மொபைல் போன் என்ற அதிரடி சலுகையோடு களமிறங்கியது.
கொஞ்சம் கொஞ்சமாக வாடிக்கையாளர்களை கவர்ந்த ஜியோ நிறுவனத்தின் வளர்ச்சியால் ஐடியா, வோடபோன், ஏர்டெல் போன்ற நிறுவனங்கள் பெரும் சரிவை சந்தித்தன. தொடர்ந்து பல்வேறு திட்டங்களுடன் அசைக்க முடியாத இடத்தில் ஜியோ உள்ளது.
இந்நிலையில் மொபைல் நெட்வொர்க் சேவையில் ஜியோ நிறுவனம் தான் மேம்பட்ட சேவையை வழங்குவதாக தொலைத்தொடர்பு ஒழுங்குமுறை ஆணையமான டிராய் தனது அறிக்கையில் தெரிவித்துள்ளது.
மேலும் அந்த அறிக்கையில் 4ஜி பதிவிறக்க சேவையில் ஜியோ நிறுவனம் 27.2 mbps வேகத்துடன் முதலிடத்திலும், ஏர்டெல் 7.9 mbps வேகத்தில் இரண்டாவது இடத்திலும் மூன்றாவது இடத்தில் வோடஃபோன் 6 mbps வேகத்தையும் பெற்றுள்ளதாக தெரிவிக்கப்பட்டுள்ளது.