புதுடெல்லி:
பாலியல், மதம் சம்பந்தப்பட்ட உணர்வுப்பூர்வமான விளம்பரங்களை பேஸ்புக், இன்ஸ்டாகிராம் உள்ளிட்ட தனது அனைத்து சமூக வலைதளங்களில் இருந்தும் நீக்க மெட்டா நிறுவனம் முடிவு செய்துள்ளது.
பேஸ்புக்கில் எதை தேட விரும்பினாலும் அந்த துறை சம்மந்தப்பட்ட விளம்பரங்கள் உங்கள் பேஸ்புக் பக்கத்தில் தொடர்ந்து அனுப்பி வந்தது. அப்போது இனம், உடல் நலம், பாலியல், மதம் போன்ற உணர்வுப்பூர்வமான விளம்பரங்களும் நம் பாக்கத்திற்கு வரும்.
இந்நிலையில், இதுபோன்ற விளம்பரங்களில் இனம், உடல் நலம், பாலியல், அரசியல் நம்பிக்கைகள், மத நடவடிக்கைகள் போன்றவற்றை உணர்வுப்பூர்வமான விஷயங்களாக வரையறுத்துள்ள மெட்டா நிறுவனம் இதுபோன்ற உணர்வுப்பூர்வ விளம்பரங்களை தனது அனைத்து சமூக வலைதளங்களில் இருந்தும் நீக்க முடிவு செய்துள்ளது.
வரும் 2022 ஆண்டு ஜனவரி 19ம் தேதி முதல் அமலுக்கு வரும் என மெட்டா தெரிவித்துள்ளது. இதுபோன்ற விளம்பரங்களில் சில தவறான தகவல்களை பரப்புவதால் பயனர்கள் பாதிக்கப்படுவதாக நிபுணர்கள் கவலை தெரிவித்துள்ளதன் அடிப்படையில் இந்த முடிவு எடுக்கப்பட்டதாக மெட்டா நிறுவனம் தெரிவித்துள்ளது குறிப்பிடத்தக்கது.
