டிசம்பர் 31ல் தளபதி 64 ஃபர்ஸ்ட் லுக் ரிலீஸ்

புத்தாண்டை முன்னிட்டு நடிகர் விஜய் நடிக்கும் தளபதி 64 படத்தின் ஃபர்ஸ்ட் லுக் தேதி வெளியாகும் என படக்குழுவினர் அறிவித்துள்ளனர்.பிகில் திரைப்படத்தை தொடர்ந்து நடிகர் விஜய் அடுத்ததாக இயக்குநர் லோகேஷ் கனகராஜ் இயக்கத்தில் நடித்து வருகிறார்.

இந்தப் படத்தில் விஜய் சேதுபதி, மாளவிகா மோகனன், சாந்தனு, ஆண்ட்ரியா, ஆண்டனி வர்கீஸ் ஆகியோர் நடிக்கின்றனர். இப்படத்தின் படப்பிடிப்பு டெல்லி, சென்னையை தொடர்ந்து கர்நாடகாவில் நடைபெற்று வரும் நிலையில் படத்தின் அப்டேட் குறித்து தற்போது அறிவிக்கப்பட்டுள்ளது. தளபதி64 படத்தின் ஃபர்ஸ்ட் லுக் வரும் 31 ஆம் தேதி மாலை 5 மணிக்கு வெளியிடப்படும் என படக்குழு தரப்பில் அதிகாரப்பூர்வ அறிவிப்பு வெளியாகியுள்ளது. இதனால் விஜய் ரசிகர்கள் மகிழ்ச்சியடைந்துள்ளனர்.