‘பாகுபலி’ படங்களின் வெற்றிக்குப் பிறகு இந்திய சினிமாவின் முன்னணி இயக்குநர்கள் பட்டியலில் இணைந்துள்ளார் இயக்குநர் ராஜமௌலி. இவர், தற்போது ‘ஆர்ஆர்ஆர்’ என்ற படத்தை இயக்கி வருகிறார். டி.வி.வி.தனய்யா தயாரித்து வரும் இப்படத்தில், ஜூனியர் என்.டி.ஆர், ராம் சரண், ஆலியா பட், அஜய் தேவ்கான், சமுத்திரக்கனி உள்ளிட்ட பலரும் நடித்து வருகின்றனர்.
இந்தாண்டு அக்டோபர் மாதம் படத்தைத் திரைக்குக் கொண்டுவரத் திட்டமிட்டுள்ள படக்குழு, படத்தின் இறுதிக்கட்டப் படப்பிடிப்பில் கவனம் செலுத்தி வருகிறது. அண்மையில் இப்படத்தில் இடம் பெற்றுள்ள ஆலியாவின் ஃபர்ஸ்ட் லுக் போஸ்டர் வெளியாகி நல்ல வரவேற்பினை பெற்றது.
இந்நிலையில் நடிகர் ராம்சரண் பிறந்த நாளை முன்னிட்டு படத்தின் புதிய போஸ்டரை படக்குழு தற்போது வெளியிட்டுள்ளது.
#RRR #Rajamouli #SSrajamouli #Tamilcinema #cinema #cineupdate #TamilThisai #Ramaraju #telugucinema #RRRmovie #Ramcharan #JrNTR #aaliabhatt