நடிகர் கவின் சின்னத்திரை தொடர் மற்றும் பிக் பாஸ் நிகழ்ச்சிகளின் மூலம் மக்களிடையே பிரபலமடைந்தார். கடந்த 2017 ஆம் ஆண்டு இயக்குனர் சிவகுமார் இயக்கத்தில் “நட்புன்னா என்னானு தெரியுமா” படத்தின் மூலம் தமிழ் சினிமாவில் நடிகராக அறிமுகமானார்.
இந்த படம் வெளியாகி கலவையான விமர்சனங்களை பெற்றாலும் ரசிகர்களிடையே நல்ல வரவேற்பினை பெற்றது. இதனையடுத்து நடிகர் கவின் “லிஃப்ட்” என்ற புதிய படத்தில் நடித்து வருகிறார். அறிமுக இயக்குனர் வினித் இயக்கும் இப்படத்தில் கவினுக்கு ஜோடியாக அம்ரிதா ஐயர் நடித்து வருகிறார். அண்மையில் படத்தை ஃபர்ஸ்ட் லுக் போஸ்டர் மற்றும் மோஷன் போஸ்டர் வெளியாகி நல்ல வரவேற்பினை பெற்றிருந்தது. படத்தின் அணைத்து பணிகளும் முடிந்து வெளியீட்டுக்கு தயாராகவுள்ளது.
இந்நிலையில் லிஃப்ட் படத்தின் புதிய அப்டேட் வெளியாகியுள்ளது. அதில், நடிகர் சிவகார்த்திகேயன் ஒரு பாடல் பாடியுள்ளதாக கூறப்பட்டுள்ளது. அந்த பாடலை சிங்கிள் ட்ராக் முறையில் படக்குழு வெளியிட திட்டமிட்டுள்ளதாக தகவல் வெளியாகியுள்ளது.