நீண்ட நாள் காத்திருப்பில் இருந்த ‘டாக்டர்’ படம் அக்டோபர் 9 ஆம் தேதி திரையரங்குகளில் வெளியாக உள்ள நிலையில் படத்தின் டிரெய்லர் தற்போது வெளியாகி ரசிகர்களிடம் வரவேற்பை பெற்று வருகிறது.
‘கோலமாவு கோகிலா’ படத்திற்கு பிறகு இயக்குநர் நெல்சன் திலீப் குமார் இயக்கியுள்ள படம் ‘டாக்டர். இந்த படம் மூலம் தமிழுக்கு அறிமுகமாகிறார் பிரியங்கா மோகன்.
சிவகார்த்திகேயன், யோகிபாபு, வினய், இளவரசு உள்ளிட்டோர் முக்கிய கதாபாத்திரத்தில் நடித்துள்ளனர். இந்த படத்தை கே.ஜே.ஆர். ஸ்டூடியோஸ் உடன் இணைந்து, சிவகார்த்திகேயனின் சொந்த நிறுவனமான எஸ்.கே.புரொடக்ஷன் தயாரித்துள்ளது.
‘டாக்டர்’ படம் முதலில் கடந்த மார்ச் 26 ஆம் தேதி வெளியாகும் என்று அறிவிக்கப்பட்டது. சட்டமன்ற தேர்தல், கொரோனா உள்ளிட்ட காரணங்களால் தள்ளிப்போன இதன் வெளியீடு ஆயுதபூஜை வெளியீடாக வரும் 9 ஆம் தேதி திரையரங்குகளில் வெளியாக உள்ளது.