நடிகர் விஜய் நடிக்கும் தளபதி 64 படத்தின் ஃபர்ஸ்ட் லுக் போஸ்டர் வெளியாகி ரசிகர்களிடம் வரவேற்பை பெற்றுள்ளது.பிகில் திரைப்படத்தை தொடர்ந்து நடிகர் விஜய் அடுத்ததாக இயக்குநர் லோகேஷ் கனகராஜ் இயக்கத்தில் நடித்து வருகிறார்.இந்தப் படத்தில் விஜய் சேதுபதி, மாளவிகா மோகனன், சாந்தனு, ஆண்ட்ரியா, ஆண்டனி வர்கீஸ் ஆகியோர் நடிக்கின்றனர்.அனிருத் இந்த படத்திற்கு இசையமைக்கிறார்.
தளபதி64 படத்தின் ஃபர்ஸ்ட் லுக் வரும் 31 ஆம் தேதி மாலை 5 மணிக்கு வெளியிடப்படும் என படக்குழு தரப்பில் கடந்த சனிக்கிழமை அதிகாரப்பூர்வ அறிவிப்பு வெளியானது. இதனால் விஜய் ரசிகர்கள் மகிழ்ச்சியடைந்தனர். மேலும் ட்விட்டரில் இது தொடர்பான hastag-க்கள் ட்ரெண்டிங்கில் இருந்தன.இந்நிலையில் தளபதி 64 படத்தின் ஃபர்ஸ்ட்லுக் போஸ்டர் இன்று மாலை 5 மணிக்கு வெளியானது. “மாஸ்டர்” என பெயரிடப்பட்டுள்ள இப்படத்தின் போஸ்டரில் நடிகர் விஜய் மாஸ் லுக்கில் உள்ளார். இந்த பர்ஸ்ட் லுக் போஸ்டர் ரசிகர்களிடம் பெரும் வரவேற்பை பெற்றுள்ளது.