27 மாவட்டங்களில் பேருந்துகள் இயக்க தமிழக அரசு அனுமதி…!

சென்னை:-

தமிழகத்தில் தற்போது தளர்வுகளுடன் கூடிய முழு ஊரடங்கு ஒரு வாரத்திற்கு நீட்டிக்கப்பட்டுள்ள நிலையில், 27 மாவட்டங்களில் பேருந்து சேவைகளுக்கு அனுமதி கொடுக்கப்பட்டுள்ளது.

அந்த வகையில் வரும் ஜூன் 28 ஆம் தேதி காலை 6 மணி முதல் 50% இருக்கைகளுடன் பேருந்துகள் இயக்கப்பட உள்ளன.

ஏற்கனவே சென்னை, காஞ்சிபுரம், திருவள்ளூர், செங்கல்பட்டு உள்ளிட்ட 4 மாவட்டங்களில் பேருந்து சேவைக்கு அனுமதி தந்த நிலையில் மேலும் 23 மாவட்டங்களுக்கு நீட்டிக்கப்பட்டுள்ளது.

அதேபோல், மாவட்டத்திற்குள்ளும், மாவட்டங்களுக்கு இடையேயும் 50% இருக்கைகளுடன் பேருந்துகள் இயக்கப்படும் எனவும் கூறப்பட்டுள்ளது.