சென்னை:-
பிரபல மூத்த இயக்குநர் ஜி.என்.ரங்கராஜன்(91) இன்று காலை 8.45 மணி அளவில் மாரடைப்பினால் காலமானார்.
இவர் கமல்ஹாசன் நடிப்பில் வெளியான மீண்டும் கோகிலா, எல்லாம் இன்பமயம், கல்யாணராமன், கடல் மீன்கள், மகராசன் உள்ளிட்ட பல்வேறு வெற்றி படங்களை இயக்கியவர் ஜி.என்.ரங்கராஜன்.
இது தவிர ‘முத்து எங்கள் சொத்து’, ‘அடுத்தாத்து ஆல்பர்ட்’, ‘மனக்கணக்கு’, ‘பல்லவி மீண்டும் பல்லவி’ போன்ற படங்களையும் இயக்கியுள்ளார்.
இவருக்கு சக்குபாய் என்ற மனைவியும், குமாரவேலன் என்ற மகனும், பரமேஸ்வரி என்ற மகளும் உள்ளனர்.
மகன் ஜி.என்.ஆர்.குமாரவேலனும் பிரபல இயக்குனர் ஆவார். இவர் நினைத்தாலே இனிக்கும், யுவன் யுவதி, ஹரிதாஸ், வாகா போன்ற படங்களை இயக்கி உள்ளார்.
தற்போது அருண் விஜய்யை வைத்து சினம் என்ற படத்தை இயக்கி உள்ளார். மறைந்த ஜி.என்.ரங்கராஜன் இறுதிச்சடங்கு சென்னை, நுங்கம்பாக்கம் மயானத்தில் நடைபெறுகிறது.