ஜூலை 19 இல் துவங்குகிறது பாராளுமன்ற மழை கால கூட்டத் தொடர் …!

பாராளுமன்ற மழை கால கூட்டத் தொடர் 19 நாள் அமர்வு கடுமையான கோவிட் -19 நெறிமுறைகளுடன் நடைபெறும் என்று சபாநாயகர் ஓம் பிர்லா இன்று தெரிவித்தார்.

மக்களவை மற்றும் மாநிலங்களவை காலை 11 மணி முதல் மாலை 6 மணி வரை நடைபெறும் என்றும் – பாராளுமன்ற உறுப்பினர்களின் இருக்கைகள் சமூக இடைவெளிக்கான நெறிமுறைகளைப் பின்பற்றியே இருக்கும் என்று தெரிவித்தார்.

பாராளுமன்ற உறுப்பினர்கள் தடுப்பூசி செலுத்தியிருப்பது கட்டாயம் . தற்போது 411 மக்களவை உறுப்பினர்களுக்கு ஏற்கனவே தடுப்பூசி போடப்பட்டுள்ளது, அவர்களில் 312 பேருக்கு இரண்டு டோஸ் வழங்கப்பட்டுள்ளன. மீதமுள்ள உறுப்பினர்களுக்கு இன்னும் மருத்துவ ஆலோசனையின் அடிப்படையில் தடுப்பூசி போடப்படவில்லை என்று சபாநாயகர் பிர்லா பத்திரிகையாளர்களிடம் தெரிவித்தார்.