விபத்தில் சிக்கியவருக்கு உதவிய முதல்வர்!

விபத்தில் காயமடைந்தவரை ஆட்டோ ஒன்றில், சிகிச்சை மேற்கொள்வதற்காக காவலருடன் இராயப்பேட்டை அரசு மருத்துவமனைக்கு அனுப்பி வைத்தார் தமிழக முதல்வர் மு.க.ஸ்டாலின்.

தலைமைச் செயலகத்திலிருந்து அண்ணா சாலை வழியாக தமிழக முதல்வர் மு.க. ஸ்டாலின் சென்று கொண்டிருந்த போது அண்ணா சாலை, டி.எம்.எஸ் மெட்ரோ இரயில் நிலையம் அருகில் இருசக்கர வாகனத்தில் சென்று கொண்டிருந்த சூளைமேட்டைச் சேர்ந்த அருள்ராஜ் என்பவர் சாலையில் எதிர்பாராதவிதமாக தடுமாறி விழுந்ததில் அவருக்கு தலையில் பலத்த காயம் ஏற்பட்டது. இதனை கண்ட முதல்வர் மு.க. ஸ்டாலின் வாகனத்தை நிறுத்தி இறங்கிச் சென்று காயமடைந்தவரை உடனடியாக ஆட்டோ ஒன்றில், சிகிச்சை மேற்கொள்வதற்காக காவலருடன் இராயப்பேட்டை அரசு மருத்துவமனைக்கு அனுப்பி வைத்தார்.