லண்டன்:-
உலகில் H.I.V.யால் பாதிக்கப்பட்டு குணமடைந்த இரண்டாவது நபர் குறித்த தகவல்கள் வெளியாகி உள்ளன.
ஆதம் கேஸ்டில்ஜோ (Adam Castillejo (40)) முன்பு ‘லண்டன் பேஷன்ட்’ (London Patient) என அறியப்பட்டவர். தற்போது எவ்வித மருந்துகளும் இன்றி கடந்த 30 மாதங்களாக நலமுடன் வாழ்ந்துவருவதாக அமெரிக்க பத்திரிக்கை ஒன்று தெரிவித்துள்ளது.
இந்த நபருக்கு H.I.V. இருப்பது கடந்த 2003 ஆம் ஆண்டு கண்டுபிடிக்கப்பட்டது. அதோடு 2012-ம் ஆண்டு புற்றுநோயும் இவருக்கு ஏற்பட்டது கண்டுபிடிக்கப்பட்பது. இதற்காக நீண்ட காலம் மருந்து மாத்திரைகள் எடுத்து குணமடைந்த அவருக்கு கடந்த ஆண்டு கூடுதலாக எலும்பு மஜ்ஜை அறுவை மாற்று சிகிச்சை அளிக்கப்பட்டது.
திமோத்தி பிரவுன் (Timothy Brown aka Berry)
என்ற அமெரிக்க நபர் H.I.V.-ல் இருந்து முதன்முதலாக குணமான நபராக அறியப்படுபவர். இவர் ஜெர்மனியில் சிகிச்சை பெற்றிர். கடந்த 2007 ல் எலும்பு மஜ்ஜை மாற்று அறுவை சிகிச்சை நடத்தப்பட்டது. அவர் 10 ஆண்டுகளுக்கும் மேலாக நலமுடன் உள்ளார்.
இது குறித்து கேம்பிரிட்ஜ் பல்கலைக் கழக (University of Cambridge) மருத்துவ நிபுணர் ரவீந்திர குமார் குப்தா தெரிவித்தாவது:-
கடந்த 2016-ம் ஆண்டு எலும்பு மஜ்ஜை மாற்று சிகிச்சை மேற்கொள்ளப்பட்டது. 2017 முதல் மருந்துகளை எடுப்பதை நிறுத்திக்கொண்டார். அவரை பரிசோதனை செய்ததில் அவர் நலமாக உள்ளார். அதே சமயம் H.I.V. பாதித்த எல்லா நோயாளிகளுக்கும் இந்த எலும்பு மஜ்ஜை மாற்று சிகிச்சை பலன் தராது என்றும் தெரிவித்திருக்கிறார்.