நடிகர் அஜித் இயக்குநர் ஹச். வினோத் இயக்கத்தில் வலிமை என்ற புதிய படத்தில் நடித்து வருகிறார். இதில் இவருக்கு ஜோடியாக ஹுமா குரேஷி நடித்து வருகிறார். பிரபல தெலுங்கு நடிகர் கார்த்திகேய வில்லனாக நடிக்கும் இப்படத்தை போனி கபூர் தயாரித்து வருகிறார்.
கிட்டத்தட்ட படத்தின் படப்பிடிப்பு முடிந்துள்ள நிலையில் படத்தின் இறுதி சண்டை காட்சியை படமாக்குவதற்காக பிரேசில் நாட்டிற்கு செல்லவுள்ளது படக்குழு. அந்நாட்டின் அனுமதி கிடைக்க தாமதமாவதால் வலிமை படத்தின் டப்பிங் பணியில் படக்குழு தீவிரம் காட்டி வருகிறது. இதனிடையே ‘வலிமை’ படத்தின் தமிழ்நாடு உரிமையை ரோமியோ பிக்சர்ஸ் நிறுவனமும், அன்புச்செழியனின் கோபுரம் சினிமாஸ் நிறுவனமும் கைப்பற்றியுள்ளது.
இப்படத்தின் ஃபர்ஸ்ட் லுக் போஸ்டர் நடிகர் அஜித் பிறந்தநாளான மே 1 ஆம் தேதி வெளியிடவுள்ளதாக படக்குழு அறிவித்திருந்த நிலையில் தற்போது படத்தின் மோஷன் போஸ்ட்டரையும் அன்றைய தினமே வெளியீட படக்குழு திட்டமிட்டுள்ளதாக தகவல் வெளியாகியுள்ளது. இதனையறிந்த ரசிகர்கள் அஜித் பிறந்தநாளை முன்னிட்டு இரட்டிப்பு மகிழ்ச்சி கிடைக்கவுள்ளதால் உற்சாகம் அடைந்துள்ளனர்.
#valimai #valimai #ajith #karthikeya #Hvinoth #boneykapoor #tamilcinema #cinema #cinematrending #cineupdate #valmai #Thala #valimaiUpdate #TamilThisai #HBDThala #Thala50 #MostionPoster