தமிழ் சினிமாவில் முன்னணி இயக்குனராக இருந்து வருகிறார் லிங்குசாமி. இவரது இயக்கத்தில் கடைசியாக வெளியான படம் ‘சண்டக்கோழி 2’. விமர்சன ரீதியாகக் கடும் பின்னடைவைச் சந்தித்த இப்படம், வசூல் ரீதியாகவும் வெற்றிபெறத் தவறியது.
இதனையடுத்து இரண்டு வருடங்களுக்கு பிறகு இயக்குநர் லிங்குசாமி பிரபல தெலுங்கு நடிகர் ராம் பொத்தினேனி நடிக்கும் படத்தை இயக்கவுள்ளார்.இப்படத்தில் இவருக்கு ஜோடியாக க்ரித்தி ஷெட்டி நடிக்கவுள்ளார். தற்காலிகமாக இப்படத்திற்கு ‘ரபொ19’ எனப் பெயரிடப்பட்டுள்ளது. தமிழ், தெலுங்கு என இரு மொழிகளில் உருவாகும் இப்படத்தை ஸ்ரீனிவாசா சிட்டூரி தயாரிக்கிறார்.
இந்நிலையில் படத்தின் இசையமைப்பாளர் குறித்த இயக்குநர் லிங்குசாமி அறிவிப்பு வெளியிட்டுள்ளார். அதன்படி ராம் பொத்தினேனி நடிப்பில் உருவாகும் இப்படத்திற்கு தேவி ஸ்ரீ பிரசாத் இசையமைக்க உள்ளதாக தெரிவித்துள்ளார். மேலும் இவர்கள் இருவரும் இணைந்து பணியாற்றுவது இதுவே முதல் முறை என்பது குறிப்பிடத்தக்கது.
#tamilcinema #tamilmovie #devisriprasad #lingusamy #ram pothineni #kirtishetty #telugumovie #tollywood #ramcinemas #cinema #cineupdate #cinematrending #TamilThisai