கடந்த 2017 ஆம் ஆண்டு இயக்குநர் சி,வி.குமார் இயக்கத்தில் வெளியான திரைப்படம் மாயவன். இதில் சந்திப் கிஷன், லாவண்யா திரிபாதி, டேனியல் பாலாஜி உள்ளிட்டோர் நடித்திருந்தனர். வித்தியாசமான கதைக்களத்தை மையமாக வைத்து எடுக்கப்பட்ட இப்படம் விமர்சன ரீதியாக நல்ல வரவேற்பை பெற்றது. மாயவன் படத்தை திருமூர்த்தி என்டர்டைமென்ட் நிறுவனம் தயாரித்திருந்தது. இந்நிலையில் மாயவன் படத்தின் இரண்டாம் பாகத்தை உருவாக்க உள்ளதாக படக்குழு அறிவித்துள்ளது.
இது தொடர்பாக பட தயாரிப்பு நிறுவனம் வெளியிட்டுள்ள ட்விட்டர் பதிவில், மாயவன் நிலத்தில் இறங்குவதில் நாங்கள் மகிழ்ச்சி அடைகிறோம். ரசிகர்களின் பெரும் ஆதரவினால் நாங்கள் இந்த புதிய முயற்சியில் ஈடுபடுகிறோம். மாயவன் படத்தின் இரண்டாம் பாகம் மாயவன் ரீலோடட் ஆக தயாராக உள்ளது என குறிப்பிட்டுள்ளார்.
இயக்குநர் ரவிக்குமார் இயக்கத்தில் வெளியான இன்று நேற்று நாளை, இயக்குநர் நலன் குமாரசாமி இயக்கத்தில் வெளியான சூது கவ்வும் ஆகிய படங்களின் இரண்டாம் பாகங்களை திருமூர்த்தி என்டர்டைமென்ட் நிறுவனம் உருவாக்க உள்ளது குறிப்பிடத்தக்கது.
#MaayavanReloaded #Sandeepkishan #Lavanya #DanialBalaji #TamilThisai #Cinema #CineUpdate #CinemaNews #kollywoodcinemas #maayavan #Tamilmovie