புதுச்சேரி மாநிலத்தில் அதிகரிக்கும் கொரோனா தொற்று !

புதுச்சேரி மாநிலத்தில் கடந்த 24 மணி நேரத்தில் 899 நபர்களுக்கு கொரோனா தொற்று உறுதி. 9 பேர் உயிரிழந்துள்ளனர்.

புதுச்சேரியில் நாளுக்கு நாள் கொரோனா நோய் தொற்று அதிகரித்து வருகிறது. இந்நிலையில் 6,030 பேருக்கு பரிசோதனை செய்ததில் கடந்த 24 மணி நேரத்தில் புதிய உச்சமாக 899 பேர் பாதிக்கப்பட்டுள்ளனர். இதில் புதுச்சேரியில் 702 நபர்கள், காரைக்காலில் 109 நபர்கள், ஏனாமில் 50 நபர்கள், மாஹேவில் 38 நபர்கள் கொரோனாவால் பாதிக்கப்பட்டுள்ளனர். தற்போது 6,767 நபர்கள் சிகிச்சை பெற்று வருகின்றனர். 44,767 நபர்கள் குணமடைந்து வீடு திரும்பியுள்ளனர்.

கடந்த 24 மணி நேரத்தில் 9 பேர் உயிரிழந்துள்ளனர். இதில் புதுச்சேரியில் 6 பேரும் , காரைக்காலில் 2, மாஹேவில் ஒருவர்  என 9 பேர் உயிரிழந்துள்ளனர். இதனையடுத்து  மாநிலத்தில் உயிரிழந்தோரின் எண்ணிக்கை 737 ஆக உயர்ந்துள்ளது.