2 நாட்களுக்கு ரயில்கள் முழுமையாக ரத்து?

சேலம் – கரூர் வழித்தடத்தில் செல்லும் ரயில்கள் தண்டவாள பராமரிப்பு பணி காரணமாக 2 நாட்களுக்கு முழுமையாக ரத்து செய்யப்பட்டுள்ளது.

கரூர் – சேலம் மற்றும் சேலம் – கரூர் வழித்தடத்தில் நாமக்கல் வழியாக முன்பதிவில்லா பயணிகள் ரயில்கள் தினசரி இருமுறை இயக்கப்படுவதையடுத்து சேலம் ரயில் நிலையத்தில் இன்றும் நாளையும் (20,21) தண்டவாள பராமரிப்பு பணி மற்றும் பொறியியல் பணி மேற்கொள்ளப்படவுள்ளதால் சேலம் – கரூர் வழித்தட மார்க்கத்தில் செல்லும் ரயில்கள் 2 நாட்களுக்கு முழுமையாக ரத்து செய்யப்படுவதாக சேலம் ரெயில்வே கோட்டம் அறிவித்துள்ளது. இதேபோல் கரூர்-சேலம் இடையிலான இரு ரெயில்களின் சேவையும், இரண்டு நாட்களுக்கு ரத்து செய்யப்படுவதாக, சேலம் ரெயில்வே கோட்ட நிர்வாகம் தெரிவித்துள்ளது.