‘வதந்திகளை நம்ப வேண்டாம்’ விஜயகாந்த் உடல்நிலை குறித்து தேமுதிக அறிக்கை !

தேமுதிக தலைவர் விஜயகாந்துக்கு அதிகாலை 3 மணியளவில் உடல் நலக்குறைவு ஏற்பட்டது. அதனையடுத்து சென்னையில் உள்ள மியாட் மருத்துவமனையில் அனுமதிக்கப்பட்டுள்ளார். அங்கு அவருக்கு சிகிச்சை அளிக்கப்பட்டு வருகிறது. 

இந்நிலையில் விஜயகாந்த் உடல்நிலை குறித்து தேமுதிக தலைமையகம் அறிக்கை ஒன்றை வெளியிட்டுள்ளது. அதில், விஜயகாந்த் உடல்நிலை சீராக உள்ளது. தேமுதிக தலைவர் விஜயகாந்த் வழக்கமான மருத்துவ பரிசோதனைக்காகவே மருத்துவமனையில் அனுமதிக்கப்பட்டுள்ளார். 

ஓரிரு நாட்களில் சிகிச்சை முடிந்து  விஜயகாந்த் வீடு திரும்புவார். எனவே வதந்திகளை நம்ப வேண்டாம்  எனக் கூறப்பட்டுள்ளது.