பிரபல முகப்பொலிவு க்ரீம் விளம்பரத்தில் நடித்து இந்தியா முழுவதும் மிகவும் பிரபலமானார் பாலிவுட் நடிகை யாமி கவுதம், தனக்கு நீண்ட நாட்களாக தோல் வியாதி இருப்பதாகத் தெரிவித்துள்ளார்.
யாமி கவுதம் இந்தி மட்டுமல்லாது தமிழ், தெலுங்கு, மலையாளம், பஞ்சாபி, கன்னட மொழி படங்களில் நடித்து வருகிறார்.
யுரி படத்தை இயக்கிய ஆதித்யா தாரை காதலித்து கடந்த ஜூன் மாதம் 4ம் தேதி திருமணம் செய்து கொண்டார்.
இந்நிலையில் தனக்கு தோல் வியாதி இருப்பதாக யாமி கௌதம் சமூக வலைதளத்தில் தெரிவித்துள்ளார்.
தனக்கு பல வருடங்களாக Keratosis Floris என்ற தோல் வியாதி இருந்து வருவதாகத் தெரிவித்துள்ளார். இந்த வியாதி இருந்தால் தோலில் சிறு சிறு தடிப்புகள் போன்று இருக்கும்.
தனது பதின் பருவத்தில் இருந்தே இந்தத் தோல் வியாதி இருந்து வருவதாகவும் அதை குணப்படுத்த முடியாது என்றும் தெரிவித்துள்ளார். இத்தனை நாட்களாக இதை மறைத்து வந்தேன்.
இன்று தைரியமாக தெரிவிக்கிறேன் என்று கூறியுள்ளார். இந்த குறையுடனேயே நான் அழகாக உணர்கிறேன் என்று தெரிவித்துள்ளார்.