ஜெர்மனியில் விவசாயி ஒருவர் தன் காதலியிடம் வித்தியாசமான முறையில் திருமண ஆசையை வெளிப்படுத்தியுள்ளார்.
ஜெர்மனியின் ஹட்டன்பெர்க் நகரைச் சேர்ந்த ஸ்டெஃபென் ஸ்வார்ஸ் என்ற பகுதி நேர விவசாயி ஒரு பெண்ணை காதலித்துய் வந்துள்ளார். அந்த பெண்ணை எப்படியாவது திருமணம் செய்து கொள்ள வேண்டும் என்ற நினைத்த அவர் அதை எப்படி வெளிப்படுத்துவது என தெரியாமல் தவித்துள்ளார்.
இந்நிலையில் அவருக்கு திடீரென ஒரு யோசனை தோன்றியுள்ளது. அதன்படி தனது விளைநிலத்தில் “என்னை திருமணம் செய்து கொள்வாயா” என்பதை பெரிய எழுத்தில் செதுக்கி அதனை தவிர மற்ற இடங்களில் விதைகளை தூவி பயிரை வளர்த்துள்ளார். வானில் இருந்து பார்த்தால் அந்த எழுத்துகள் தெரியும் என்பதால் தனது காதலியிடம் ட்ரோன் மூலம் அப்பகுதியை பார்க்குமாறு வேண்டுகோள் விடுத்துள்ளார்.
அவரின் வேண்டுக்கோளை ஏற்று பறக்கும் ட்ரோன் மூலம் அந்த பகுதியை பார்வையிட்ட அந்த பெண், அவரின் திருமண விருப்பத்தை கண்டு இன்ப அதிர்ச்சியடைந்தார். உடனடியாக ஸ்டெஃபானுடனான திருமணத்திற்கு சம்மதம் தெரிவித்தார்.
இதற்கிடையில், திருமண விருப்பத்தை தெரிவித்த அவரது நிலம், கூகுள் வரைபடத்தில் தெரிந்தது அவருக்கு பெரும் ஆச்சரியத்தை ஏற்படுத்தியுள்ளது.