அமெரிக்க அதிபர் டொனால்ட் டிரம்ப்பின் அஹமதாபாத் வருகையையொட்டி, அங்குள்ள மோடேரா (Motera) பகுதி குடிசைவாசிகளை, உடனடியாக அங்கிருந்து வெளியேறுமாறு மாநகராட்சி அதிகாரிகள் நோட்டீஸ் வழங்கி வருவது பரபரப்பை ஏற்படுத்தியுள்ளது.
வரும் 24-ம் தேதி வாஷிங்டனில் இருந்து, நேரடியாக அஹமதாபாத் வருகிறார்.
டிரம்ப் அஹமதாபாத் விமான நிலையத்திலிருந்து சாலை மார்க்கமாக மகாத்மா காந்தியடிகளின் சமர்பதி ஆசிரமத்திற்கு செல்கிறார்.
பின்னர், அங்கிருந்து மோடேரா (Motera) பகுதியில் உள்ள சர்தார் வல்லபாய் படேல் மைதானத்தில் நடைபெறும் நிகழ்ச்சியில் டிரம்ப் கலந்து கொள்கிறார். அங்கு அவருக்கு, ‘ஹௌடி டிரம்ப்’ (Kem cho Trump) என்ற தலைப்பில், பிரதமர் நரேந்திர மோடி வரவேற்பு அளிக்கிறார்.
இந்நிலையில், டிரம்ப்-ன் அஹமதாபாத் வருகையையொட்டி, மோடேரா(Motera) பகுதி குடிசைவாசிகளை வரும் 7 நாட்களுக்குள் வெளியேறுமாறு, அகமதாபாத் மாநகராட்சி அதிகாரிகள், நோட்டீஸ் அளித்து வருகின்றனர்.
